Requisitos:

• Estado civil: casado/a, solteiro/a, divorciado/a, parella de feito, viúvo/a
• Idade (Solteiro e parella): ≥25, <60
• Monoparentais: Home, Muller

En relación á adopción por parellas homosexuais, os estados de Río Grande do Sul, Sao Paulo e Minas Gerais, aceptan os ofrecementos.

Características dos nenos:

• Menores de 1-18 anos de proxenitores descoñecidos, que deran o seu consentimento á adopción ou que foran privados da patria potestade.
• Segundo a normativa actual, a adopción internacional acéptase só para menores a partir de 5 anos, aínda que adoitan ter a partir de 8, agás grupos de irmá/n/s ou menores con necesidades especiais (síndromes xenéticos, atrasos cognitivos leves ou moderados, atrasos, problemas graves de saúde, desordes emocionais e/ou psiquiátricos).
• A diferenza de idade entre o adoptante e o adoptado debe ser de, 16 anos de mínima e 50 de máxima.
• Os maiores de 12 anos deberán dar o seu consentimento á adopción.

Forma de tramitación:

Poderá tramitar a súa adopción:

• A través do Ministerio de Sanidade, Servizos Sociais e Igualdade (Protocolo Público).
• A través de Organismos Acreditados para a Adopción Internacional (OAAI).

Documentación necesaria:

• Solicitude para habilitación na CEJAI (escollida) asinada polas persoas que se ofrecen para a adopción ou polos seus representantes, con sinaturas recoñecidas.
• Declaración sobre a gratuidade e sixilo da adopción en Brasil, debidamente asinada e con firma recoñecida (formulario propio da CEJAI)
• Poder de representación.
• Certificado de nacemento.
• Certificación de residencia expedida por organismo oficial.
• Fotocopia do pasaporte.
• Certificado de matrimonio, ou proba de unión estable, se é o caso
• Certificado médico de saúde física e mental.
• Certificado de penais.
• Certificado negativo de delitos sexuais.
• Acreditación do domicilio, en propiedade ou aluguer.
• Certificación de emprego.
• Certificado de ingresos anuais (en dólares americanos).
• Certificación de que se cumpren os requisitos legais do país de nacionalidade de cada membro da parella.
• Fotografías da/s persoa/s que se ofrece/n para a adopción, domicilio e familiares.
• Certificado de idoneidade.
• Informe psicolóxico.
• Informe social.
• Compromiso de seguimento.
• Texto da lexislación de adopción do país receptor (traducida).
• Comprobación da existencia ou non de fillos.
• Declaración xurada de non establecemento de contacto coa persoa que detente a garda do/a menor.
• Os documentos deberán estar traducidos por tradutor xurado, e poderán presentarse copias, despois de ser autenticados pola autoridade consular brasileña no país de orixe da/s persoa/s que se ofrece/n para a adopción.
• A maiores, deberá aportarse a documentación esixida en Galicia.

Organismo público competente:

Embaixada en España:

Estancia esixida no país:

• Aproximadamente, a estancia mínima no país é de 30 días e a máxima de 45 días.

Informes de seguimento:

• 1 informe semestral durante 2 anos (salvo que na resolución xudicial se estableza outra cousa). Deben ir acompañados de fotos, legalizados, apostilados e traducidos.

Lexislación:

• Convenio relativo á protección do neno e á cooperación en materia de adopción internacional, feito na Haia o 29 de maio de 1993.
• Convenio suprimindo a esixencia da legalización dos documentos públicos estranxeiros, feito na Haia o 5 de outubro de 1961.
• Lei nº 8.069, do 13 de xullo de 1990, Estatuto do neno e do adolescente, modificada polas Leis nº 12.010, de 3 de agosto de 2009 e pola nº 13.509, de 22 de novembro de 2017.
• Decreto 3.174, do 16/09/99.
• Constitución da República de Brasil-Capítulo III.
• Código da nacionalidade brasileira.
• Decreto 5.491, do 18 de xullo do 2005.
• Decreto 10064, do 14 de outubro de 2019.

Observacións:

Data de actualización: