Portal Galego de Adopcións

español
galego

Acceso usuarios

Adopción Internacional >> Países de adopción >> Condicións xerais para a tramitación de ofrecementos de adopción nun determinado país

Condicións xerais para a tramitación de ofrecementos de adopción nun determinado país

Para iniciar a tramitación de ofrecementos de adopción cun país, a administración pública competente en materia de protección á infancia debe comprobar:

· Que a lexislación do país permite e regula a adopción.

· Que o país dispón dun organismo competente en materia de protección de menores que tramitará o ofrecemento.

· Que non existe no país unha situación de inseguridade xurídica grave na tramitación de adopcións. Para iso, a través do Ministerio de Sanidade, Servizos Sociais e Igualdade, solicítase información de fontes oficiais e de organismos internacionais de protección á infancia. En caso de que a información non sexa clara en canto á seguridade na adopción, tómase a oportuna decisión de xeito coordinado entre as distintas comunidades autónomas e o Ministerio.

Neste sentido, a Lei 54/2007, do 28 de decembro, de Adopción Internacional, establece que non se tramitarán ofrecementos de adopción internacional nas seguintes circunstancias:

· Cando o país se atope en conflito bélico ou inmerso en desastre natural.

· Se non existe no país unha autoridade específica que controle e garanta a adopción.

· Cando no país non se dean as garantías axeitadas para a adopción e as prácticas e trámites para levala a cabo non respecten o interese do menor ou non cumpran os principios éticos e xurídicos internacionais.

En calquera caso, recoméndase aos interesados a adopción en países que teñan ratificado o Convenio da Haia relativo á protección do neno e de cooperación en materia de adopción internacional, de 1993, por ser o instrumento que garante o seguimento dun procedemento transparente que asegura o respecto ao principio do interese superior do menor e aos seus dereitos fundamentais.

Buscador xeral

Noticias

+info

Publicacións

Financiado por

Fondo Europeo de Desarrollo Regional

"Un xeito de facer Europa"