Acceso usuarios
Tramitación do expediente
Unha vez obtido o certificado de idoneidade, a Dirección Xeral de Familia, Infancia e Dinamización Demográfica fará chegar o expediente da familia ao país onde se desexa adoptar polos seguintes cauces: a través dun Organismo Acreditado para a Adopción internacional ou a través do Ministerio de Sanidade, Servizos Sociais e Igualdade (MSSSI).
É moi importante ter en conta que algúns países só aceptan unha das vías, ou exclúen expresamente outra. Así, hai países que só permiten a tramitación a través de OAA, mentres que outros non permiten esta vía.
Tramitación a través de OAA habilitado na Comunidade Autónoma de Galicia
A Dirección Xeral de Familia, Infancia e Dinamización Demográfica remitirá ao OAA os documentos administrativos: informe psicosocial, compromiso de seguimento da adopción por parte da Xunta de Galicia e certificado de idoneidade das persoas que se ofrecen para a adopción (así como calquera outro documento administrativo que se precise, dependendo do país de destino).
Se o ofrecemento está dirixido a un país para o que Galicia non ten habilitado ningún OAA, os interesados poden solicitar a mediación dun OAA habilitado noutra Comunidade Autónoma. Neste caso, as persoas que se ofrecen para a adopción comunicaránllelo á Dirección Xeral de Familia, Infancia e Dinamización Demográfica, que solicitará ao órgano competente desa comunidade a conformidade para a tramitación dese expediente, logo da conformidade por parte do OAA. Obtida dita conformidade, a Dirección Xeral habilitará ao OAA para a tramitación dese expediente en concreto e remitiralle a documentación para que proceda como no caso anterior.
Se as persoas que se ofrecen para a adopción non desexan acudir a un organismo acreditado, ou se no país de elección non existe ningún OAA acreditado, poden realizar os trámites da adopción a través das autoridades españolas, a través do “protocolo público” (sempre que o país o permita). Neste caso, é o Ministerio de Sanidade, Servizos Sociais e Igualdade o encargado de remitir a documentación ao país e de coordinarse coas correspondentes autoridades para a tramitación.
Buscador xeral
Noticias
Publicacións
Financiado por
"Un xeito de facer Europa"
