As persoas que queiran adoptar a un/ha neno/a poden presentar un ofrecemento de valoración de idoneidade, se previamente realizaron a sesión informativa e o curso de formación. Non se pode presentar unha solicitude sen ter realizado antes información e formación; acompañado da seguinte documentación:
Certificación literal de nacemento.
Certificado médico ordinario ou informe segundo un cuestionario específico (se é o caso, acompañarase, ademais, informe do médico especialista).
Fotocopia da última declaración da renda ou, en defecto, certificación negativa expedida pola Axencia Tributaria e, se é o caso, declaración de bens patrimoniais.
Documento acreditativo da cobertura sanitaria (copia de tarxeta sanitaria).
Libro de familia, se é o caso.
Sentenza de separación ou divorcio, se é o caso.
Dúas fotografías tamaño carné de cada persoa que se ofrece para a adopción.
Ademais, se a/s persoa/s que se ofrece/n para a adopción non asina/n o consentimento para que a entidade tramitadora comprobe os seus datos:
Fotocopia compulsada do documento nacional de identidade.
Documentación acreditativa da residencia e da convivencia (deberase acreditar un mínimo de 2 anos deconvivencia): certificados de empadroamento, acta de notoriedade, etc.
A solicitude, xunto coa antedita documentación, deberá dirixirse ao xefe/a territorial da Consellería de Política Social da súa provincia. No caso de emigrantes galegos con previsión de retorno, se no prazo dun ano non se xustifica a residencia na Comunidade Autónoma galega, arquivarase a solicitude.
