Acceso usuarios
Novas
>> VIETNAM: modelo de informe de seguimento postadoptivo para os pais
Novas
12/03/2012
VIETNAM: modelo de informe de seguimento postadoptivo para os pais
Segundo a información recibida do Ministerio de Sanidade, Servizos Sociais e Igualdade, todas as familias adoptivas das e dos menores procedentes de Vietnam deben cubrir un modelo oficial de informe para realizar o seguimento da adopción (que achegamos ao pé desta nova).
A familia deberá encher 2 copias deste modelo oficial e achegar 6 fotos do/da menor en distintos ambientes (2 copias de cada). O documento deberase traducir ao vietnamita. Non necesitará legalizarse nin o documento orixinal nin a tradución.
Os profesionais responsables do seguimento certificarán o devandito modelo, en caso de consideralo conveniente ampliarán a información que nel figura e enviarano á embaixada de Vietnam en España e ao Departamento de Adopcións do país.
Recordamos que os seguimentos deben realizarse cada 6 meses durante os 3 anos posteriores á adopción do ou da menor.
Todo o anterior é aplicable tanto para as adopcións constituídas antes da entrada en vigor da nova lei de adopción de Vietnam coma para as constituídas con posterioridade.
Buscador xeral
Noticias
Publicacións
Financiado por
"Un xeito de facer Europa"
