Acceso usuarios
Novas
>> KAZAKHSTÁN: previsión de nova normativa
Novas
03/01/2011
KAZAKHSTÁN: previsión de nova normativa
Segundo nota informativa procedente do Ministerio de Sanidade, Política Social e Igualdade, do 13 de decembro de 2010, o país, debido á recente entrada en vigor, o pasado 1 de novembro, do Convenio da Haia, do 29 de maio de 1993, e coa finalidade de adaptar a súa lexislación ao este, tiña previsto aprobar un novo Código de Familia e un Decreto específico, elaborado en colaboración con UNICEF (aspecto acerca do que non se recibiu ningunha comunicación oficial).
As principais novidades da nova normativa son:
- Só se permitirá a tramitación de adopcións internacionales a través de ECAIs.
- Terán preferencia as parellas casadas (só home-muller).
- Os solicitantes deberán aceptar a asignación unha vez que se reciba o informe do menor no país de residencia deste e antes de desprazarse a Kazakhstán (contrariamente á práctica actual).
- O período de convivencia obrigatorio co menor en Kazakhstán será de 1 mes.
Por outra banda, e en relación aos expedientes de solicitantes españois que están pendentes de resolverse no país, segundo información facilitada pola Presidenta do Comité de Protección de Dereitos do Menor, cando entre en vigor a nova normativa paralizarán e devolverán a España todos os expedientes nos que os solicitantes (aínda os que viaxasen a Kazakhstán e visto ao menor) non aceptasen a asignación mediante declaración escrita ante o órgano rexional competente en materia de infancia, mesmo se aínda non se produciu o período obrigatorio de convivencia co menor.
Estes expedientes devoltos terán que reiniciar a súa tramitación dende o principio e conforme a nova normativa.
Por último, e en relación á tramitación de novos expedientes, a embaixada de España en Astana entende que o máis conveniente é manter polo momento o acordo de suspensión temporal (adoptado o 8 de xullo de 2008) mentres non se constate que os procesos de adopción no país se realizan con todas as garantías.
Buscador xeral
Noticias
Publicacións
Financiado por
"Un xeito de facer Europa"
