Requisitos:

• Estado civil: casado/a, solteiro/a, divorciado/a, parella de feito, viúvo/a
• Idade (Solteiro e parella): ≥25, ≤55
• Permite a adopción se se teñen fillos biolóxicos: Si
• Permite a adopción se se teñen fillos adoptivos: Si
• Monoparentais: Home, Muller

As persoas solteiras poden ser homes ou mulleres, ainda que os xuíces poden poñer limitacións aos homes e na práctica é dificil que acepten o ofrecemento.

Características dos nenos:

• Menores de 18 anos, de nacionalidade boliviana e residindo no país, con resolución xudicial que estableza a extinción da patria potestade dos pais, que acredite a súa condición de orfo e a inexistencia de vínculos familiares.
• A diferenza de idade entre o adoptante e o adoptado debe ser de, polo menos, 18 anos. En caso de parellas, casadas ou non casadas, polo menos unha das persoas deberá ter menos de 55 anos de idade.
• Ter a preparación e información correspondente sobre os efectos da adopción, segundo a súa etapa de desenvolvemento.
• Terán preferencia para a adopción: nenas e nenos maiores de 4 anos, grupos de irmáns, nenas e nenos en situación de discapacidade, e nenas e nenos que precisen cirurxías menores ou tratamentos médicos que non involucren risco de vida, perda de membros ou outros. Tramitaranse con prioridade.

Forma de tramitación:

Poderá tramitar a súa adopción:

• A través do Organizacións Acreditadas para Adopción Internacional(OAAI).

Documentación necesaria:

• Solicitude de adopción motivada.
• Copia actualizada do pasaporte.
• Certificado de matrimonio ou documento que probe a unión de feito, segundo a normativa vixente.
• Certificado médico e avaliación psicolóxica acreditando unha boa saúde física e mental. Válidos por un ano.
• Certificado de penais.
• Certificado negativo de delitos sexuais.
• Certificado domiciliario expedido por autoridade competente.
• Certificado de realizar os cursos de preparación para a adopción.
• Certificado de idoneidade. Dous exemplares.
• Informes psicosociais.
• Compromiso de seguimento.
• Certificado de nacemento.
• Certificado de empadroamento.
• Certificado de solvencia económica.
• Informe post-adoptivo favorable para novos trámites de adopción.
• Autorización para o trámite de ingreso da nena, neno ou adolescente no país de residencia dos adoptantes. 1 ano de validez.
• Informe postadoptivo favorable para novos trámites de adopción.
• Fotos.
• Todos os documentos deberán ser orixinais e estar apostilados.
• A maiores, deberá aportarse a documentación esixida en Galicia.

Organismo público competente:

Embaixada en España:

Estancia esixida no país:

• A estancia mínima aproximada no país é de 2 meses.

Informes de seguimento:

• 1 informe semestral durante 2 anos , 2 exemplares.

Lexislación:

• Convenio relativo á protección do neno e á cooperación en materia de adopción internacional, feito na Haia o 29 de maio de 1993.
• Convenio suprimindo a esixencia da legalización dos documentos públicos estranxeiros, feito na Haia o 5 de outubro de 1961.
• Acordo bilateral España-Bolivia de 29/10/01.
• Código da Nena, Neno e Adolescente, de 17/07/2014, Lei nº 548.
• Decreto Supremo nº 2377, de 27 de maio de 2015, reglamento á Lei 548.
• Constitución política do Estado de Bolivia, do 07/02/09.
• Resolución administrativa nº 002/2015, de 31 de xullo, que aproba o Protocolo de Adopcións Internacionais.
• Lei nº 1168, de 12 de abril de 2019, de abreviación procesual para garantir a restitución do dereito humano á familia das nenas, nenos e adolescentes.

Observacións:

Data de actualización: